ވައިކަރަދޫ ކައުންސިލުން ރައްޔިތުންނާ ބައްދަލުކުރުން

ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމާބެހޭ ޤާނޫނުގެ 110 ވަނަ މާއްދާގައިވާ ގޮތުގެ މަތީން ވައިކަރަދޫ ކައުންސިލުން ރައްޔިތުންނާ ބައްދަލުކޮށްފިއެވެ. ފެބްރުވަރީ 28 ވަނަ ދުވަހުގެ ރޭ ބޭއްވުނު މިބައްދަލުވުމުގައި ވައިކަރަދޫ ކައުންސިލުން ހިންގި ޙަރަކާތްތަކާއި ލިބިފައިވާ ކާމިޔާބީތަކުގެ މަޢުލޫމާތު ރައްޔިތުންނާ ހިއްސާކުރެވުނެވެ. އަދި 2017 ވަނަ އަހަރު ކައުންސިލަށް ލިބުނު އާމްދަނީއާއި ކުރި ޚަރަދުގެ ތަފްޞީލު ހާމަކުރެވުނެވެ. މީގެ އިތުރުން 2018 ވަނަ އަހަރަށް ރޭވިފައިވާ ޙަރަކާތްތަކާއި އެ ޙަރަކާތްތަކަށް  ޚަރަދުކުރާނެ ފައިސާ ހޯދުމަށް ރޭވިފައިވާގޮތާބެހޭ މަޢުލޫމާތުވެސް ދެވުނެވެ.